Editor Lunglei 9/12/2025: PHE Minister Prof. Lalnilawma chuan vawiin chawhnu khan Lunglei khawpui tuilakna,Urgradation od Lunglei Water Greater Supply Scheme , AMRUT 2.0 hmanga Pialthleng a Tlawng lui khuah mek a tlawh.PHE Minister hian tuikhuah dan kalhmang te a hmunah enin PHE SE Er Lalsanga, EE Pu V.Laldanmawia leh Pu Lalchhuanawma SDO ten hnathawh dan an hrilhfiah a ni.
AMRUT 2.0 hmanga Tlawng lui khuah hna hi HS Construction Pvt Ltd chuan thawk in meter 13 a sanga khuah tur a ni a, tunah hian 6meter vel khuah tawh a ni. A khuahna chhah zawng hi 12meter a hlai niin 33meter a thui tur a ni a, khuah tlin hunah tui hian a chhak lamah 1400 meter vel chim tur a ngaih a ni. Estimated amount hi 4.7 Cr a ni a, kumin January ni 21 vel atang khan kut thlak tan a ni a, kum khat chhung a thawh zawh tur a tih ni mahse Contractor hian vawi hnih hun pawhsei a dil ang a remtih a ni a, tunah hian nakum April thla thleng vel dil an tum leh ni a thudawn a ni.
PHE Minister hnenah hian Lunglei District Consumer Assn(LDCA) te chuan tui khuah hna thawk tu te hian an thawk muang hle ni a an hriat thusawiin lungawithlak loh an tih thu an thlen a, hetiang anih chuan nakum thalah Lunglei khawpuiin tuiah harsatna a tawk leh dawn tih a chiang a, chuvang chuan chak zawk a hna an thawh theih nan nakum March thla thleng bak hun pek belh ni tawh lo se an duh tih PHE Minister hnenah hian an thlen a ni.Nakum Thal tui harsat hun sutkian anih loh chuan na deuh taka hmalak pawh a ngai hial ang tih an thlen a ni.Minsiter chuan nakum March thlaah chuan peih hman ngei tur in amah pawhin Contractor te a lo nawr dawn tih sawiin an zo hman lo anih chuan ‘ka mawhah ka la ngam ang’ tiin Consumer Assn. hruaitu te a hrilh.
MJA aiawh a kal te pawhin Tuikhuah hnathawktu te hi Ministry lakah an tlatlum viau ni a sawi a ni a, hei hian hnathawh a ti muang deuh em ni ti a an zawhna pawh Minister hian Restricted Tender hmanga hna pek ni mahse Sorkar-na an chan hma a ruahmanna lo awm tawhsa a ni a, chutianga tlaktlum emaw duhsak zawk inpek a awm awm a a hriat loh thusawiin hnathawktu te nen lungrual taka thawhho chu a duhdan anih thu leh tunhnu a in hre ve mai chauh an nih thu sawiin kan thawkho ang a, nakum March-ah chuan zawh hman tir ngei a ni ang a ti.
POWERED BY ZUNZAM DAILY NEWSPAPER
