Lunglei 1/12/2025: Pi Meriam L.Hrangchal MPCC Secretary chuan LADC -ah Congress kaihhruai Sorkar nghet tak a din ngei a beisei thu a sawi.
He thu hi vawiin a Congress Bhawan Lunglei a Political Session-ah sawiin Pi Meriami chuan mipuiin Congress sorkar leh MNF sorkar an hre chiang tawh a, ZPM chu enchhin duhin beiseina sang tak nen an vote a, mahse an rorel dan a fuh loh vangin nitin boruak an tlahniam tual tual a, hei hi an kal dan tur Trend a ni tih a chiang tawh. Zoram hian thu sawi thiam nilo thusawi ti dik thin kan mamawh a, Politics ah chuan mipuite hnena kan in zawrh leh kan intiam angin kan awm mai tur a ni a ti. Pi Meriem i hian LADC Inthlan campaign a Public Meeting a thu a sawi na apiangin tu te nge buhfai man leh Electric chhit man ti sang thin ti a zawhna siamin mipui ten ZPM tiin an lo chhang thin a, Petrol man tu te nge ti sang a, kawng chhe reng bawk si ti a zawhte chuan mipui ten ‘ZPM” tiin an lo chhang thin a ni.
Pi Meriami hian tuten emaw pek policy a sawichhe thin a, mahse engkim hi a nei zawk in a neilo zawk pek hi khawvel kalphung a ni a, Pathian pawhin a fapa Isua Krista min pe a ni tih sawiin harsa zawk te thil pek sawichhe tu te chuan mi harsa zawk te awmdan an man thiam lo tihna a ni a ti. FCCA hlauhawm zia sawi nawn in Article 371 G min rawn thiahsak tihna a ni a, Assembly House-a kan roreltu patling rual ten an pass kha a la pawi dawn khawp a ni a ti. Central Politics nghak ringawt tur kan ni biklo tih sawiin, Congress thli ti tleh turin party mi ten mawhphurhna kan nei vek tih sawiin kan ram leh hnam tan theihtawp chhuah ang u a ti.