BCM Missionary Police in an man BJP Lungleiin an ngaihven: Buaina hi BJP nen in zawmna a awm lo an ti
Editor Lunglei 24/9/25: Pi R.Lalbiaktluangi, Dist BJP President Lunglei chuan BCM enkawl, Mt.Carmel Sikul ,Roing, Arunachal Pradesh-a buaina chhuak chungchangah Warden Lalnunpuia s/o Thanzawna, Lunglei Zotlang,Police Custody a awm mek chu theihtawp chhuah a chhhanchhuah an tum tih sawiin Kohhran zai ngai tak in hma an la mek tih a sawi.
He thu hi vawiin a Lunglei Press Club-a thuthar lakhawmtu te hmaah puangin Pi R. Lalbiaktluangi, Dist President BJP, Lunglei chuan Mt.Carmel School-ah hian 9th July 2025 khan misual pakhat School Hostel-ah lut in hmeichhe zirlai a khuaikhem ni a hriat a ni a, Police te pawhin he pa hi an man a, mahse zirlai nu leh pa, khawtual miten Police Thanna luhchilh in hepa hi an hnukchhuak a, an sawisa hlum a ni. Hetiang anih avang hian Missionary, Pu Lalnunpuia, Hostel warden chu Police ten man ve lehin POCSO Case in thubuai an ziak lut ta daih a, 29th Sept 2025 karleh Thawhtanni khian Chargesheet an siam tawh mai dawn ni a hriat a ni a, chuvang chuan Missionary chhanchhuak tur hian hma an la tih a sawi.
Hma an lak dan sawiin Mission Filed a thawktu te leh mi pawimawh dang te hnenah he Case IO leh Principal biakpawhna an dil thu leh tun thleng a chhanna an hmuh theih loh thu a sawi a, hetihrual hian a theih ang ang in he Case hi buaipui an tum tih a sawi. BJP President chuan he buaina chungchangah hian Mizoram a Kohhran member thenkkhat ten BJP leh RSS thil tih angah te puhin Kohhran zing tawngtai inkhawmah te thawh in BJP dem zawng in awka an chhuah a, hei hi thudiklo a ni. He Case leh BJP/RSS hian in zawmna a nei lova, misual thil tih liau liau a ni a, party politics-a lo in beihna chiam tur a awm lo, BJP thil tih a puhtu te hian finfiahna enge an neih, finfiahna an neih chuan rawn pholang se ka duhkhawp mai tiin BJP puh an nihna hi an lak serious thu leh “BJP tih a ni lo” tih kan puang a ni a ti.
Party anga an inrawlhna chhan chu Mizo Missionary in harsatna a tawk a, National Party an nih avangin leh Arunachal Preadesh-ah pawh an party Sorkar-na anih vang te leh Central-ah an sorkar lai anih vanga thahnemngaihna a hmala an ni tih a sawi a, Mizo te leh Christian te thlavang hauh a ngaihna ah emaw tih theih ve an nei anih chuan theihtawp a hmalak ve zel chu an tum a ni a ti. Police Case IO ringawt biakpawh an tumna chhan chungchang Media te zawhna chhangin BJP President chuan, Kohhran zai an ngaih vang anih thu leh tu ten emaw a ni lo zawng a an puh an hlauh vangin a hniam thei ang ber a hmala an ni tih a sawi a, a tul anih chuan Mizoram State sorkar kaltlangin emaw, Arunachal Pradesh sorkar leh MP Pu Kiren Rijiju te bia in Central lam thleng a la zualko an tum tih a sawi.
He hunah hian Pu K. Vanlalvena, Vice President, BJP Lunglei pawhin BJP hlauhna kan in zirtir a, mahse BJP hi hlauhna tur a awm lo, hmasawnna(Development) an thupui a, State dangah pawh BJP sorkar naah Development hmuh theih in a awm a, chu chu nei ve ila tih hi kan duh a ni a ti. BJP hian Kristianna hi a do lova, Hindu zakhua zawm turin Kristian te an sawm bawk hek lo, zirtirna diklo hi kan ramah a tam lutuk a, hemi lakah hian in veng ang u a ti.
