Editor Lunglei 23/9/2025: 17th December 1995 a din, Nursing School Lunglei chu Sorkar in BSc Nursing zirna atan a rawn Upgrade-a, Building sak zawh hunah chuan GNM zirna tih tawp a ni dawn.
BSc Nursing zirna turin tunah hian Building sak mek a ni a, Hostel Vertical Extension leh New Building sak mek a ni a, 1st Installment-ah Rs Vbc 3 leh 2nd Installement-ah Rs Vbc 4.4 avaiin Rs Vbc 7.4 a zo tur a ruahman a ni .Thudawnna in a sawi dan chuan BSc Nursing chauh zirna tur anih avangin GNM zir tur chuan hmun dang an pan a ngai tawh dawn a, Lunglei leh a hnaivai atanga GNM zir duh te pawhin CHS-ah emaw khaw dangah sum tamtak sengin an zir a ngai tawh dawn a ni. GNM an zo anih pawhin BSc Nursing zir tur hian entrance tih emaw a ngai tawh thung ang.
Health Minister Pi Lalrinpui chuan Zunzam daily zawhna chhangin Nursing School zawng zawng hi BSc Nursing a hlankai hi Sorkar laipui tum dan(Central Instruction) a ni tih sawiin hemi atan hian ruahmanna kalpui a ni a, BSc Nursing zo tawh phei chu an tan scope a zau a, chu hun remchang chu kan hman tangkai thiam ve a ngai a ni a ti. Hetihrual hian GNM zirna tihbo a, Nursing College emaw BSc Nursing chauh zirna siam chu Mizoram Sorkar in a duhdan dan a kalpui theih loh a ni tih sawiin Nursing School zawng zawng BSc Nursing(Nursing College) a hlan kai chu a hlawhtling a ngem tih chu sawi theih a ni lo a ti.
BSc Nursing College hi Lungleiah a taka kalpui a nih chuan Mizoram Sorkar hnuaia GNM zirna hi tun dinhmunah Lungleiah a awm dawn lova, Christian Hospital Serkawn(CHS) hi a awm chhun ni mai tur a ngaih a ni.
Nursing School Lunglei hi kum 1995 a din a nih khan a hmunhma hi Pu ZH.Ropuia Ex Minister chuan a ram a pe(donate) a, CSS atanga bultan niin 3rd October 2000 khan Mizoram Sorkar chuan a la a ni. 23rd Sept 1998 khan Indian Nursing Council, Delhi chuan a rawn pawmpui ve leh a, Nurse 300 chuang zirchhuak tawh in ram chhung mai bakah USA, Cananda, Malaysia leh ramdang hmun tamtakah Nurse hna thawk an awm mek a ni. Kumtinin zirlai te result hi a tha a,an chhuanawm thei hle. Tuna a awmna hi 5.87 Bigha a zau, 7858.25 Sqm a zau a ni. BSc Nursing zirna tur anih vanga GNM a bo mai tur chungchangah a hmunhma in a zawh loh vang ni a sawi a ni.
Hetihlai hian Googles lam atanga en chuan GNM leh BSc Nursing zirna hi hmunkhatah dah theih a niin Hostel leh facilities dang Labs chenin hman tawm theih erawh a phal a ni tiin an tarlang. Nursing college/BSc Nursing Institution din nan hian Indian Nursing Council chuan 3 acres atangin 54,000 sq. ft thlengin a pawm thei a ni.
Engpawhnise, Nursing College(BSc Nursing Institution) din tur hian MZU leh INC lamin an enfiah ve phawt a ngai a, an enfiah dan report atangin N ursing College hi Lungleiah awm thei chauh tur a ngaih a ni tiin kan thudawnna chuan a sawi.
POWERED BY ZUNZAM DAILY NEWSPAPER
