Sports Goods tlawmna Rs 8/- a ni tlangpui

Lunglei 23/9/2025: Sorkar laipuiin GST chhiah a tih hniamna, GST 2.0 chu Lungleiah pawh Dawr lian pangngai, Direct-a Company dawr te chuan zawm an tum chho nghal zel a, Sports Goods zawrhna hlun tak, Fidelia store, Venglai Lunglei pawhin Company nen an in dawr reng thu leh anni hian GST hniamna tur percentage leh Items hrang hrang te pawh an rawn thawn tawh tih an sawi.
Dawr Manager Pu Johnny-a chuan an thil zawrh zinga a tam ber chu 5% a hniam tur a ni a, a mal a hralh na angah chuan a tlawmna a tam lutuk lova, a tlangpuiin Rs 8 ang vel a ni tlangpui a ti. Hetihrual hian 18% a tihhniam tur te pawh a awm nual a, mahse heng ho hi chu a hma a a man(old rate) nen a danglamna a awm vak chuang lo, rate hi Company lam in an rawn siamsa vek tawh a ti. Company atanga hriattirna an dawn dan chuan Retail-a hralhna a danglam ang a, Wholesale a hralhna erawh a danglam lovang(remain unchanged) tiin an rawn ziak a ti.
Hetihrual hian Nivea Product hi a lem(duplicate) a awm nual a, hrechiang lo tan chuan a tak(original) nen a in ang hle a, mahse a tlo lo a ni a ti. Dawr thenkhat chuang heng hi man tlawm zawkin an hralh a, Nivea theuh theuh ti a complaint te pawh an dawng ve fo tih a sawi.19th Aug.2025 khan heng a lem(duplicate) hi Mangalore-ah tamtak man a ni a ti.