LZ Traders in GST thar hmang tan::A man tlawmin Wholesale dawrah Bill siam ang

Lunglei 22/9/2025: Sorkar laipuiin Good & Services Tax (GST) lak dan thar a hman tur chu vawiin khan India ram pumah hman a ni a, Lungleiah pawh a tha zawngin nghawng a nei nghal.
Bawnghnute atanga siam agent lian ber Pi Jennyfer-i LZ Trader chuan vawiinah Bill cut hman chiah lo mahse a hma a an lo lak tawh pawh GST hniam ang hian an kalpui nghal dawn tih a sawi.Bawnghnute product hi 5% a a hniam avangin Amul Gold Case 1 Rs 950 ni thin chu Rs 905 velah a tlahniam ang a, chutiang zat chuan Wholesale dawrah pek a ni ang a ti. Zuarchhawngtu Wholesaller te hian mipui hnenah an hralh tlawm ve dawn em tih chu a pawimawh lai tak a ni tih sawiin anni Agent chuan a man an tihniam nghal a, mipuiin an thil leina an lo chik ve a ngai a ni mai a ti. GST hniam hma a an lo chah thlen tawh pawh nise Input Tax Credit hmangin Tax hniamna hi a Claim theih tho a, thil chiangsa reng leh langtlang(transparent) anih vangin Tax hniam anga hralh chhuah chu tih makmawh a ni a ti.
Hetihlrual hian KC Enterprise Chanmari, Lunglei pawhin an thil zawrh engemawzah chu Tak lak lohna a lo nih sa avangin a man dnaglam tur aan nei tamlo tih ans awi a, buhfai leh dailuah bag 1(26Kg)-ah te hian Tax lak anih loh avangin a man a dnaglamm ve dawn lova, everyday-ah pawha che lovang, a che tur chu baby food leh magi, noodles velah a man a tlawm ang a a ti.
Aman hniam tur zingah Good Life 5% niin Caase 1 Rs 870 ni thin kha Rs 30 vel chuan a tlawm ang a ti. Good Life hi ni 2 hnu velah a rawn thlen an beisei tih a sawi a, kawng chhiat vangin in transit a ngai dawn niin a sawi. Tel(edible Oil) hi 5% a a lo hniam tawhsa vangin a man a pche lo ang tih a sawi bawk.
Hetihlai hian Lirthei lamah chuan nidang aiin agent-ah Booking ti leh Motor man tlawm dan ngaihven an tam hle. CK Hyundai, Zotlang Lungleiah chuan Tax lakna a hniam dawn tih hriat vangin Motor leitur Booking an pung chho nghal a, booking tih tum, chanchin ngaihven pawh an ngah zawk tih an sawi.
Mahindra Show room, Lungleiah pawh vawiin khan Booking ti mi 5 an awm a, nikhatah hetiang zat zat Lungleiah Booking ti an la awm ngailo tih sawiin GST lakna hniam chu lawmawm an tih thu an sawi. Booking ti bakah chanchin ngaihven a dawr a kal leh Phone call an dawng tam a, naktuk lamah Booking ti tur an awm leh nual an ring. Hemi hma lam khan Company hian Offer a lo siam ve hrim hrim a, mahse GST hniam hun nghak an awm a, chung ho chuan hun tha hi bawhpelh an tum lo hle a, Customer te kan welcome em em a ni an ti.
Mana Motor, Lunglei Ramtharah pawh vawiin khan Booking ti mi 5 an awm tih an sawi a, vawiin khan Customer an pung tih sawiin naktuk lam a ngaihven tum leh te pawh an awm nawk tih an sawi a, Inrinni khan mi 47 vel chuan Booking an ti tih an sawi bawk.