Editor Lunglei 15/10/2025: Pu Chawngthanmawia Vice President MNF Sub Headquarters Lunglei chuan “ ZPM Sawrkarin a market hre sa leh thlai thar hralhna budget-ah dah tawh anga in sawi si in tun thlengin sawhthing hralhtu (kut hnathawktu) te hnenah support price a pe kim thei lo hi a mak hle” a ti.
He thu hi vawiin a Mizo Hnam Run Lungleiah Ni 29.11.2025. Nilaini a rampum huap a Total Bandh MNF in a neih turah MNYF, MNWF, MMSF, Sub Hqrs Lungei te, EX Mizo National Army Southern Headquarters te nen thlirlawkna hun Pu Vanlalhmuaka President kaihhruaiah sawiin Pu Chawngthanmawia Vice President chuan tun hnaiah District thenkhatah sawhthing man an pek laiin District thenkhat an la pe thei lo fo hi eng nge a chhan? ZPM sorkar hian sawhthing a lei na ah hian District tinah Co-opted member pakhat zel a dah theuh a, PCC leh SCC a nei vek bawk a, chuti chung chuan engtin nge SCC thenkhatah fel lo awmin Vaibelchhe li atanga Vaibelchhe nga sum ching pen a awm theih? Heti zat sum tichingpen tur chuan sawhthing quintal nuaichuang fe a ngai a, engtin nge a thlen theih tih hi kan zawhna a ni, a ti. MNF sub Hqrs Lunglei chuan hriatthiam har a tiin a ranglam a, action la tur leh a tul a nih phei chuan CBI hial chhui tir turin kan phut tlat a ni a ti .
Lunglei a ZPM MLA pali te hian Lunglei District chhunga support price la dawnglo te hi ngaihven rawh se, engkim ruahmanna fel sa nia sawi a, kawt kaia sawhthing lei tiam tute hian chingal leh saum hmang lovin thudik nge thutak tih pawh hriat theih loh in sawhthing hi an bawl kual vel mai mai a ni ” a ti.
POWERED BY ZUNZAM DAILY NEWSPAPER
