Trump leh Putin in chibai thei

India chuan U.S. President Donald Trump leh Russian President Vladimir Putin te Alaska-a inbiakna an neih tur chu a welcome hle a, hei hian Ukrain buaina pawh a tihren ngei a beisei tih a sawi. Hetihlai hian an meeting chuan thutlukna fumfe engmah an puang lova, Ukraine President Volodymyr Zelenskyy chuan lungthu pathum a inbiakna amah tel ngei a neih a ngai dawn a ni a ti.
Putin hi kum 10 hnua United States leilung a rah lehna hmasaber ni turin zirtawpni khan Trump nen hmaichhan ah in kawmin Ukraine buaina tihreh dan tur an sawi dun a ni. US President Donald Trump hi Washington atangin Air Force One-ah 7 hr hun hmangin Anchorage, Alaska-ah hian a tum a, Joint Base Elmendorf-Richardson-ah Putin hi a lo nghak a ni.Putin pawh hi Russian presidential jet hmangin Moscow atangin nine hours hun a hmang ve thung a ni.Ram ropui pahnih hruaitu te hi an in chibai a, Media mi te chu an in biakna hmunah hian reilote luh tirin thla an lak tir a, an in biak zawh hian 15 Mins chhung Press Conference an nei zui a ni.
Karleh lamah inbiak chhunzawm leh nise tiin President Putin hian Moscow-a inbiak a rawt a, Trump chuan nui vur vur chungin “oh nuam khawp ang, mahse ka sawi thei lo, thil engemaw min mawlhtu a la awm a, thlir zel ang aw” a ti.