Guwahati khawpui tuiin a chim

GUWAHATI: Vawiin khan Assam-ah nasa taka ruah sur vangin Guwahati khawpui leh a chhehvel chu tuiin a chim nasa hle. Khawlaiah te nasa taka tui tlingin kawngpuiah te tui a tling nasa a, mihring nunphung nasa takin a ti khaih lak a ni. Guwahati-a Anil Nagar area phei chu a tih buai nasat a ni.
IMD chuan Assam leh Meghalaya-ah August 17-19, chhung hian” Ruahpui vanawn, tek leh khawpui ri, thawklehkhata ri huk te pawh a thleng ang” a ti. August 20 leh 21 ah te pawh ruahpui vanawn, nasa taka tek tla leh khawpui ri thleng zel turin a la hmu lawk. Hetihlai hian ruahsur nasa vang hian Himachal Pradesh-ah chhiatna nasa tak thlengin kawngpui a chhia a, kawlphetha leh tui intur pek kawngah pawh harsatna namenlo a thleng mek. Himachal Pradesh State Disaster Management Authority (HPSDMA) chuan a puan danin tukin Sunday khan road block hmun 361-ah a thleng a, heng zingah hian National highways hmun 3 a block a, Power sem chhuahna distribution transformers (DTRs) 637 leh water supply schemes 115 in harsatna an tawk a ti.
He harsatna June ni 20 a thleng vang hian nunna chan 261 an awm tawh a, an zingah hian ruahsur vanga leimin, tuilian leh inchhia vangin mi 136 an thi a, mi 125 te chu kawng nal leh thil dang vangin an thi a ni. Officials ten an sawi danin Mandi district-a hmun 201-ah kawng a ping a, NH-03-ah hmun 63 chu lei min vangin khar a ni. Kinnaur -ah pawh NH-05 chu Tinku Nalla hmunah a chhia a ni.