Rs 83,00,00,00,000( Vbc 8300) hlawh tur a Mark Zuckerberga sawmna hnawltu AI Expert Mira Murati

AI Expert Mira Murati i hre ngai em ? Ani hi a theuneu lo khawp mai. A hming atang chuan India chhulchhuak ni awm tak a ni a, mi tamtak pawhin India fa hrin niin an lo sawi tawh thin. Amaherawhchu India mi ni lovin Albania rama tuipui kam a khaw pakhat Vlore-ah Dec.18, 1988 khan a piang a, a naupan lai zawng khawsa in hemi hnu hian Canada-ah an pem a, a hnuah US-ah an in sawn leh a ni. Mira Murati hi Open AI-ah former Chief Technology Officer leh founder AI startup Thinking Machines Lab te niin khawvel tan mi tangkai tak a ni.
Murati hi artificial intelligence changkang zawk kan hmanna tur a a thluak bur tur a ni a, Open AI a awm theih nan a hmahruaitu niin a hlawhtlinna zin kawng erawh midang aia chungchuang a ni bik lo. Mi fing fal ni lovin bei hram hram leh taima, dawhthei niin a in sawi a, ChatGPT, DALL-E leh Codex-ah te pawh tha leh zung a thawh nasa hle a ni.
Tunah hian khawvel mak tih leh khawvel a rawn nghawrnghinna chu Mark Zuckerberga’n Meta a lut tur a Rs 83,00,00,00,000(Vbc 8300) hlawh tur a Offer a pek a duhlo leh a hnawl(reject) hi a ni a, “Sum leh pai, hausakna ai chuan mihring inlaichinna tha ka duh zawk” a ti.
Kum 16 mi anih lai khan Scholarship dawngin Pearson College UWC, Canada-ah zirna a chhunzawm a, an pawlah a thiamthei ber ah tangin hei hian tun a anihna tur kawngka pui a hawnsak ta a, AI hmmuchhuaktu te zingah a tel ta a ni.Murati hian Colby College atangin undergraduate mathematics a zova, hemi hnu hian mechanical engineering chu Dartmouth College’s Thayer School of Engineering atangin a zo a ni. Kum 2012 khan graduated in technology leh problem-solving lamah namen lovin a thluak leh ngaihtuahna chu thang chhovin finna bawm a thuam chhoh a lo ni ta a ni.
Mira hian eizawnna hmasaber tur a bultanna chu Goldman Sachs and Zodiac Aerospace-ah niin a nghet lovin a thawk a, hemi hnu hian Tesla-ah thawk in Leap Motion ( Ultraleap) zawm leh in tech hmang a mihring leh computer inzawmna thiam thurukah in hmangin AI lamah a zinkawng( journey) chu a tan ta a ni. Mira hian OpenAI hi kum 2018 khan zawm in Applied AI leh Partnerships-ah VP a ni a, kumm 2020 khan CTO -ah kaisang in AI hmasawnna her danglam bawihtu AI hmanrua ChatGPT, DALL·E, Codex leh Sora-aj a thluak bur a lo ni ta a ni.
Amaherawhchhu kum 2024 khan OpenAI chu chhuahsan lehin aman company din in Kumin February thla khan Thinking Machines Lab a din a, hei hian a tum chu AI changkang zawk siam a, mi naran pawhin awlsam taka an hman theih tur duan a, Tech. sang lutuk leh mi naran te pawh in an hriattheih tur a siam an tum a ni.Bultan(startup) nan hian 2 billion dollars (Rs Vbc 17,000 ) vel a ruahman a, tunah chuan 12 billion dollars (over 1 lakh crore rupees) chuang a ni ang.