Editor August ni 18 leh ni 19 , 2025 khan The Mizoram Drug Treatment cum Rehabilitation Centre ( TRCS) Accreditation (Amendment) Rules, 2020 hnuaia din Lunglei District Inspection Team ten Lunglei District chhunga ruihlo ngaite enkawlna , de-addiction centre hrang hrang an endik.
De-addiction centre hrang hrang atang hian Social Welfare Department hnuaiah accreditation dilna an thehlut a. An dilna bawhzuiin , District Inspection Team te chuan tehfung hrang hrang hmangin accreditation pek theih an nih leh nih loh an endik a ni. He hmalakna hi ruihlo ngaite enkawlna hrang hrang ten rualkhai leh mumal zawka an kalpui theih nana tih a ni. Lunglei District chhungah hian ruihlo ngaite enkawlna panga a awm a, chungte chu Kawmzawla Beiseina In leh Rescue Centre te ; Chhawmdawlna In, Melte, Serkawn; Women Anti-Drug Association , Chanmari II, Lunglei; TNT Home , Theiriat , Lunglei te an ni. De-addiction centre hrang hrang endikna hi Lunglei District Social Welfare Officer, Pu C L Joseph hova neih niin ,Senior Medical Officer, Civil Hospital , Lunglei Dr. R. Lalhminghlua, Deputy Inspector of Police, DEF, Lunglei Pi C. Ramnunmawii, Inspector, Excise and Narcotics, Lunglei Pu Zohmingliana, YMA Sub Headquarters, Lunglei Vice President Pu CMS Dawngliana, MHIP Sub Hqtrs , Lunglei Vice President Pi Vanlalpianpuii leh Social Welfare a thawktu dangte an tel a ni.POWERED BY ZUNZAM DAILY NEWSPAPER
