Editor Moscow: US in India laka 50% tariff tihsan a tum luih tlat avangin External Affairs Minister S Jaishankar chuan Russia hnenah nasa zawk a sumdawnna India-ah kalpui tur in a nawr a, , Russian companies te chu a thian India hnenah thuk zawk a inrawlh turin a kar in a kar ta hmiah mai. Mr Jaishankar chuan Indian economy hi a thang chak em em a, ‘Make in India’ kalpui anih chiah atang phei chuan rampawn lam a sumdawngte tan tukverh a in hawng zau leh zual dawn a ni a ti. India GDP thanna tur hi USD 4 trillion bakah 7% in a thang ngei ngei dawn a, hemi atan hian sources pawh a mamawh belh dawn a, heng kan nitin mamawh fertiliser, chemicals, machinery te hi entirna tha tak tur a ni a, sumdawng te tan kawng in hawng zau lutuk tur hi India tan ngei pawh record a ni ang tiin Mr Jaishankar hian a sawi belh a ni.
‘Make in India’ in ramdang te nen a insumdawnna tur tukverh a hawng zau dawn hle a tih rualin ama mamawh tunlai thiamna leh khawpui in a mamawh ang zel a hmasawnna pawh India hian a nei chho nghal mawlh mawlh dawn a ni tih sawiin hetiang anih avang tak hian Russian companies te chu India ramah thuk zawk a rawn lut turin a sawm a, he kan hma a cho na awm hi kan lo hmachhawn ngam a tul dawn a ni tiin thiam takin a sawm. Mr Jaishankar hian hmasawnna(development) thlen turin thawhhona thuk leh zual neih a tul a, India chuan investments, joint ventures leh collaboration lamah te pawh nasa zawk a Russia rawn inrawlh turin a sawm.
Tarlan tawh angin US hian August ni 27 atangin Indian goods hrang hrang atangin 25 per cent lak a tum bakah additional 25 per cent tariff , a zavaiin 50 per cent lak a tum thui a puang tawh a ni.
POWERED BY ZUNZAM DAILY NEWSPAPER
