Case 410-ah Sorkar Ukil an chak a, Case 34-ah an chak lo

Lunglei 23/8/2025: Pu Malsawmdawngliana, Public Prosecutor, Dist Court Lunglkei chuan kumin chhung hian thubuai hrang hrangah Sorkar tan Case 613 an chai tih sawiin heng zingah hian case 410 ah an chak a, thubuai 34-ah an chak lo, tih a sawi. He thu hi Lunglei Police te nen a nimin Zirtawpni a SP Conf. Hall- a Dan thar an zir ho naah sawiin fimkhur ngaihna lai te Police an hrilh a ni.
Lunglei Dist. Court-ah hian Public Prosecutor(PP)-1, Additional Public Prosecutor(PP) -7 awmin an vai hian Sorkar tana Ukil 8 an awm a, an zingah hian C. Lalmihriati Addl.PP chu Sorkar tan a Case chai tam ber niin Case 247 a buaipuiah Case 198-ah hnehna changin Case 34-ah erawh a chaklo a ni.
Pu J.Lalmuankima, SP Lunglei pawhin Police in Case an neih dan leh Case pending chungchang te tarlangin Case IO te nen an dinhmun te sawiin tanho dan tur leh hriattur tul te an inhrilhfiah a ni.
Kum 2025 chhung khan Police te hian Case an ziah luh zat hi 141 niin chinfel zat 108 a ni a, chinfelloh 33 a la awm. ND&PS Act lamah Case 14 ziahluh a niin Heroin hi Gram 1733.44 man in Rs 52,08,780/- vel a hlut zawng a ni a, hemi kaihhnawihah hian mihring 25 an man a ni.
MLP dan hmangin Case 22 ziahluh a ni a, Zu 2934 Lts man in a hlu zawng hi Rs 30,79,400/- ang vel a chhut a ni a, hemi kaihhnawihah hian mi 32 an man a ni.