Rih artui phur ang

Lunglei mipui hian tunhma khan Development in a thlawhkhum ram niin kan in ngai a, UT nawr mai ang u tih te pawh a awm ut ut thin a, kum 20 kalta kan thlirkir phei chuan khatih hunlaia Media Platformm awm chhun, tualchhug chan chinbu hrang hrangah chuan UT dil ve mai hi a lang tamin Editorial hrang hrangah Development in thlawhkhum bik ni a in hriatna kha an ziak tam hle thin a ni.
Kum 2008 chho vel atanga Congress  leh MNF an Sorkar chhung khan  Ministry-ah nihna pawimawh tak tak chelh MLA te awmin HPC phei chu Dist dang awh thamin a  awm a, ‘Development in min thlawhkhum’ tih te leh UT dil tih tawngkam chu hriattur a awm ngai ta lo a nih kha.
Nikum lawk atang khan ZPM chuan sorkar-na a chang ve leh ta a, beisiena pawh Lunglei mipui chuan a nei nasa in “Thaba kan sut ang” tih tawngkam te a awm. Mahse tunah chuan ‘Development in min thlawhkhum, min ngaihsak lo’, UT tih te leh kan chan tur  a ngaih chang lo tlat a inhriatna te chuan Political talk(titi)-ah hmun a chang leh ta a, Rih artui phur ang mai kan nih leh chuan a pawi dawn em mai. Tang tlang ang u