Editor Govt. J. Buana College Alumni hruaitute leh Teaching Faculty Committee hruaitute chu vawiin khan Principal Chamber-ah an thukhawm a, Alumni Day hman dan tur leh Alumni Association kal zel dan turte an rel ho.
He hun hi Govt J Buana College Principal Pi Lalthangmawii Chhangte chuan a kaihruai a, College in nakum lam NAAC Pure Team endikna a hmachhawn leh tur atan Alumni Assn. mumal taka kalpui a tul thu sawiin hemi kawnga lo in buatsaih lawk nan kumin October ni 24 ah Alumni Day ropui taka lawm tum a nih thu a sawi a, NAAC Pure Team endikna bakah College in Golden Jubilee a lawmna turah Alumni Assn ten tun atanga theihtawp an chhuah a tul thu sawiin Alumni Assn hruaitute chu College hmasawnna tura ngaihtuahna leh tha thawh kawngah inthlahrung lo turin a sawm. Govt. J. Buana College Alumni hruaitute leh Teaching Faculty Committee hruaitute thukhawm chuan Alumni Day chu ropui taka lawm ni se, hemi Ni hian an college atanga zir chhuak, mi hmingthate chawimawina hun hman nise an ti a, Alumni Day atan leh Alumni Assn chak zawka a kal zel theih nan September ni 19 ah an College atanga zirlai chhuak tawh zawng zawngte huapin General Meeting koh nise, hruaitu thar thlang in Alumni Day lawm dan tur te rel nise an ti. POWERED BY ZUNZAM DAILY NEWSPAPER
