BSF-ah Mizo nula/tlangval te luh a ngai

Ministry of Home Affairs hmalakna in nimin atang khan Mizoram ramri veng tur  BSF(GD) chu Lungleiah ngei lak a ni ve tan ta a, mahse Mizo nula leh tlangval an tam lutuk lo tlat!.
BSF te hi India ram tan hian an tangkai em em a, tuntum ami ngat phei chu Mizoram ramri veng tur an nih avangin  ‘Mizoram ka hmangaih, Mizo tlangval ka ni’ ti a pawr tak tak a au a, soicial media a thu hriam tak ziah ringawt a tawk ta lo.
A tak a kan ram veng him tur hian chetchhuah a ngai a, dan ang takin a venghimtu turah kan nula leh tlangval te an luh a  ngai a ni. Diktak chuan BSF Offcier lianah te hian Mizo hi an tlem em em a, kan thenawm state ami te chu Sipai Officer te hi an rawn awm leh nawk thin a ni.  BSF  Zotlangah hian Mizo tlem a zawng an awm a, anni pawh hian BSF-ah hian Mizo tam tak lut se an duh a, hnam cheknawk zawk in an ngaihven hian an rualawhna a ti na asin.