Editor Lunglei 4th Sept. 2025: Pu T. Lalhlimpuia, Lunglei West bialtu MLA chuan “Zirtirtu te hi an zahawm a, vawiin thlengin an hmaa thusawi leh din chu a la huphurh ber te zing ami ani tih sawiin chutihrual chuan lungawi taka zirtir hna kan thawh hian min ti lawm thin” a ti.
He thu hi vawiin a Lungleia Teachers’ Day lawmna pui ber Saikuti hall a neihah sawiin Pu T. Lalhlimpuia chuan amah pawh kum 20 chuang zirtirtu hna lo thawk ve tawh ani tih sawiin mahni in enlet a, hnuhma tha neih chu zirtirtu te tana mahni intehna tur ani tih sawiin a in duhkhawp lo hle thin tih a sawi. Hetihrual hian zirlai te tana inpekna tak tak nen a hun hman chuan mahniah lawmna a siam ve thin tih sawiin sum leh paiah hausakna tak tak chu awm lo mahse vantlang nunah leh pawl ho vah mi tangkai tak tak an awm thin chuan zirtirtu te hlutna a lanchian tir hle a ni a ti. Pu Mahlima hian Zirtirtu te hian kan zahawmna hi tuma siamsak kan ngai lova, kan thil tih leh kan nun hian a lan tir zawk tur a ni a ti. Zirtirtu te ruihhlo leh ruihtheih thil dang a fihlim lo mai ni lo, addict hial an awm chu pawi a tih thu sawiin Mizoram Sorkar in Ruihhlo do beihpui a thlak dawn tih hrereng turin a chah nghal. Zirtirtu zingah Transfer dil an awm chuan MLA nih a tihhrehawm phah tih chu a MLA pui te nen pawh a an ngaihdan anih thin thu sawiin an dil ang hian hlawhtling zel ta se, zirtirtu neilo school hi an awm nual dawn tihna a ni a ti.
Pu T. Lalhlimpuia MLA hian Mizoram Engineering College, Pukpui a mi, kum 2014 a a building sak zawh daih tawh hawn theih lova awm reng chu nakum-ah Class tan tur a hmalak a ni tih sawiin hemi atan hian Rss Vbc30 vel tun Sorkar hian a ruahman a, a panna kalkawng te, mamawh hrang hrang a thuam a ni ang tiin kum kha lehchen ngaihsak zui lova a awm kha a lungchhiatthlak a, Lunglei hian hmangaihtu a mamawh a, kan zavai hian kan theihna ang in ke pen ang u a ti.
Teachers’ Day hmannaah hian zirtirtu 700 vel an kal a, Lunglei Dc Pi Navneet Maan IAS leh Pi Micky R.Lalenkawla te pawhin thu an sawi a, Kala Utsav lawmman hrang hrang sem a ni bawk.
