Lehkhabu hlui an khawn khawm mek

Vawiin khan Lunglei DC Pi Navneet Mann kaihhruaiin a Office-ah Lungsen Aspirational Block-a zirlaite tana lehkhabu khawn khawm runpui, “Book Nest Initiative” kalpui mek dan thlir ho a ni.
He thut khawmah hian September ni 8 – 15, 2025 chhunga Lunglei khawpuia Sub-Headquarters YMA hnuaia branch 21 kal tlanga lehkhabu khawn khawm kalpui mek dan report ngaihthlak a ni a. Lehkhabu hi Lungsen khawpui chhunga YMA branch-te kal tlangin khawn ve ni se, Lungsen BDO hovin YMA hruaitute’n ruahmanna lo siam se, tih a ni.
Lehkhabu khawn khawmte hi Lungsen Aspirational Block huam chhunga sawrkar sikul 60 thlan chhuah bikte hnenah sem tura ruahman a ni a. Lehkhabu pek tur sikul thlan chhuahte hi lehkhabu dahna tur chhuar, “Book Nest” siam turin Lungsen SDEO kal tlanga hriattir tawhin, tun kar chhungin an siam zawh hman beisei a ni.