Book Nest:: Lehkhabu hlui khawnkhawm

September ni 8 atanga bultan, karleh thawhtanni ni 22, 2025 thleng awh tur Lungsen Block-a zirlaite tan a Lehkhabu lakkhawm runpui chu Lunglei town YMA branch 21 huam chhungah branch YMA member-te’n in tinah kalin zirlaibu leh thawnthu bu hluite an khawn khawm mek. Lehkhabu khawn khawmnaah hian branch YMA member-te hi MHIP leh SHG te’n a remchan dana puibawmin, lehkhabu khawn khawm tam top 5 te hnenah lawmman pek a ni ang a. Zirlaibu leh thawnthu bu hlui khawn khawmte chu Lungsen Aspirational Block-a zirlaite hman turin a thlawnin thawn chhawn leh tur a ni .
Lunglei District Bawrhsap Pisa chuan zirlai, a mamawhtute’n an mamawh ang zirlaibu leh lehkhabu an neih theih nan mahni remchan dan anga thahnem ngai leh inphal taka lehkhabu thawh khawm theuh turin Lunglei mipuite an ngen a ni.