Taxes Lunglei Zone in GST ti lo an vai dawn

Lunglei 25/9/2025: Pu Lalrothanga Dy Commissioner of Taxes Lunglei Zone chuan GST 2.0 kalpui turah GST registration drive nasatakin an kalpui dawn tih sawiin GST ti thei reng, ti duhlo te nasatakin an vai dawn a ti.
He thu hi vawiin khan Lunglei thuthar lakhawmtu te hmaah sawiin Dy Commissioner of Taxes Lunglei Zone chuan Dawr lian kan tih ho zingah engemawzah GST ti lo an awm tih sawiin dan anga Registration an ti lo anih chuan a tlem berah Rs 10,000 an chawi a ngai dawn a, amaherawhchu in nawr ngai leh inhrem kher ngai lovin ti se tih chu an duhdan a ni a ti. Miin GST a neih chuan a bungrua lakna kha lo to pawh nise ITC a claim thei a, hei vang hian 22nd Sept 2025 atang khan Tax lakna tur a tihhniam Items ah chuan dawrkai ten an thil zawrh an ti hniam tur a ni, an tan chawibelhna tur a awm lo a ti. Chawi belh tur a inngai an awm anih chuan GST registration an tih loh vang a ni mai a ti . GST hian Employment genration nasatakin a rawn keng tel dawn tih sawiin Lungleiah ringawt pawh sumdawng 700 vel buaipui an ngai a, tunah hian mipakhat chauhin a enkawl a, Registration ti tur leh la ti lo te vai turin thalai, thothang tha an mamawh a, abiktakin Commerce subject zirzo tawh te chuan an Office-ah ngaihven se a duh tih a sawi.Tunlaia College naupang Commerse subject la zingah internship ti ten Taxation Office lama tih nachang an hre lo te chu mak a tih thu sawiin anni chuan an lo welcome reng tih a sawi bawk.
Dy Commissioner of Taxes hian GST lakna hniam hian a tumber pakhat chu market-ah mipui nawlpui ten an chhawr em tih hi a ni a, hetihlai hian an chhawr lova, thil man a rate pangngai mipuiin an lei anih chuan diklo a awm tihna a ni a, hei hi uluk leh zualin an ngaihven dawn tih a sawi bawk. Dawrkai ten thil an hralhin an customer te Invoice an pe ngei ngei tur a ni a, khawl a print anih loh pawhin kutziak talin, photo copy siamin an pe tur a ni. hei hi tih makmawh a ni a ti.
Asst. Commissioner Pu Zara pawhin dan awmsa anga kal an nih avangin Dawrkar ten dan zawm hram hram se tih chu an duhdan a ni tih sawiin GST ti thei reng in an ti duh tlat lo hi a nachang an hrelo emaw an ti thiamlo anih chuan a thiam rawih mai tur an awm a, dan an zawm loh chuan pawisa in chawi tir mai tur a ni a ti.Hetihrual hian Tax pe miah lova, Vai sumdawng Truck a bungraw sem thin te pawh a tul angin an check dawn tih a sawi.