Editor Lunglei/Aizawl 15/10/2025: Mizoram Indane Distributor Association chuan 15th Oct. 25 khan thuchhuah siamin June thla atanga vawiin thlengin NH 306 huam chhung Sairang leh Kawnpui inkar chhiat vang in rampumah eirawngbawlna Gas a thleng tha lova, kawngpui hian chhiat lam a pan zel bawk a ni. Tun dinhmunah phei chuan LPG Truck te hi ni 4/5 te kawng lakah an thang thin a, hei vang hian LPG Bottling Plant lamah LPG Truck indaihlohna a thleng a, LPG Bottling Plant lam in Load min pek duh mahse LPG Truck awm loh chang a awm a, tunah hian mipiuiin Gas an in daih lo nasa a, harsatna a thleng chho mek ta an ti.
Heng harsatna te hi thuneitu lamah thlen a ni tawh na chungin ngaihsak a hlawh lovin hmasawnna a awm lo. Hetiang reng a kan kal zel chuan hunpui vuakver, Kristmas leh Kumtharah pawh Gas hnianghnar hmuh a beisei awm tawh lo a ni. Chuvangin, mipui te hriatthiamna an ngen rualin kan Sorkar hian kawngpui hi siam tha vat turin an ngen tih thuchhuah an siam.
POWERED BY ZUNZAM DAILY NEWSPAPER
