Territorial Army a tan tum thalai rual ten beihpui an thlak mek

Lunglei 21/10/2025: 166 Infantry Batallion Territorial Army hnuaia ami, Lunglei Pukpui a Territorial Army te chuan tunlai hian Rajiv Gandhi Stadium, Aizawla Recruitment Rally 16th November a neih tur atan Coaching/Pre-Recruitment rally an nei mek. Lt Colnel Prasant Kakade chuan Mizo thalai ten he Pre recruitmenr rally hi chhim zel tur a sawmin a hlawp a lak hun atan a intuaihriamna a ni a, hmang tangkai turin Mizo thalai te a sawm.Tunah hian thalai 20 vel in Pre recruitment rally hi chhim in zingah leh tlai lamah training hi an bei thin a ni. An zingah hian Lunglei G ovt College a BA zirlai, NCC Cadet nilai te pawh an tel a, a then chu Boxing leh Judo lam a tawnhriat lo nei tawh te niin Lunglei khawpawn lam atanga tlangval piantha leh hrisel hmel tak tak te pawh an tel a ni.Pre-recruitment bei mek te hi Lunglei khawpui chhunga veng hrang hrang, Pukpui, Zotlang, Bazar veng, Chanmari, Electric veng, Farm, veng leh Ramthar a mi te an ni a, hmeichhia 3 an tel bawk. Taksa sawizawi a hun hman a, sipai thununnna hnuaia awm chu hahthlak chang awm mahse tunah chuan an in(adjust) thiam ve tan tawh tih an sawi a, tlan, in nemkan, thui zawng leh sang zawng a zuan te chu an in zirna a ni tih an sawi. Lt Colnel Prasant Kakade leh a thawhpui ten hetiang hun remchang tak an buatsaih sak chu an lawm hle tih sawiin Recruitment rally tak tak, RG Stadium , Mualpui a neih hunah pawh tlin ngei an in beisei tih mahni inringtawk takin an sawi hlawm a ni.
Tarlan tawh angin Soldier( General Duty) hi 144 lak tur a ni a, mipa 135 leh hmeichhia 9 lak an ni ang. heibakah hian Clerk-05, Tradesman11 lak an ni ang.