Asamese Journalist ten Sazu thang(Trap) an rawn zir

Lunglei 30/10/2025: Thingtam avang a Sazu puang chuan Mizoram hmun hrang hrang leh Lunglei Dist ah pawh loneitu te ten harsatna an tawh chhoh mek avangin Phailam Journalist te pawhin an ngaihven a, a dinhmun zir chiangturin Guwahati a awm, Assamese Journalist 2: Ms Debasha Das leh Mr Surajit Das te chuan nimin khan Mualcheng ‘S’ Lunglei Dist-a loneitu te ramah Sazu man dan leh a tihhlum dan hrang hrang te en in hun an hmang.
Pu VL. Hmangaihchhunga DAO Lunglei chuan Sazu puang tihrem nan hian damdawi hmanga hrai(Mass poisoning) chu an kalpui lian ber leh kalpui lai mek a ni tih a hrilh a, khua engemawzah chuan tur hmanga hrai hi an khuaaah an duh lo a ni a ti. Hetihrual hian sazu hian buh engemawzah a ei zawhsak avangin an lainatawm hle tih a sawi.
Assamese Journalist te hian Mizo traditional style-a-a Sazu manna : Vaithang, thangchep leh mangkhawng te chu atak ngei hmuh an duh angin Mualcheng’S’-ah hian loah hun hman a ni a, uluk takin loneitu leh thangkamtu ten an hrilhfiah a ni. Mamte leh Thlengang khuaah te pawh kalin Sazu chet dan te a hmunah an en a, heng an thlalak leh ataka an tawn te hi documentary ah siamin zau zawk a thehdarh tur a ni ang.
Narratives on #environment #climatechange #indigenousknowledge #culture #heritage #NorthEastIndi