Editor 
Lunglei 14/8/2025: Health Minister Pi Lalrinpuii chuan August ni 18, 2025 (Thawhtanni) chawhma dar 11:00 hian Civil Hospital Lunglei Seminar Hall-ah Civil Hospital Lunglei leh Primary Health Centre (PHC) Lungsena ‘Health ATM’ a hawng dawn.
Health ATM dahna tur hi Lunglei DC Pi Navneet Mann IAS hma lakna, Healthy Lunglei District Campaign hnuaia Corporate Social Responsibility (CSR) kal tlang a hmuh a ni. Civil Hospital Lunglei a Health ATM hawn anih rual hian PHC Lungsena mi pawh video conference hmanga hawn nghal a ni ang a, a enkawltu turte training pek nghal a ni ang.
Health ATM dahna tur hmun hma buatsaih dan te, training leh a hawnna hun buatsaih tur atana inpuahchahna leh thil tul hrang hrangte vawiin(14th Aug.25) khan Lunglei DC hova thlirlawk a ni. He ATM hi natna inkaichhawn theih loh um bona tura hmanraw pawimawh tak, Mizoram a Health ATM hmasa ber tur a ni.
