Editor MNF Sub.Hqtrs. Lunglei Vigilance Cell chuan nimin khan an Chairman Pu H.Lalremruata (Treasurer) ni bawk kaihhruaiin MNF Office-ah HPC Lunglei Annual Plan 2024-2025 RTI hmanga an zawhna leh chhanna Press mi te an pe.
Pu H. Lalremruata chuan HPC Annual Plan-a an dah hi a vaiin Rs Nuai 700 hmanna a ni tih a sawi a, hna 112 tih chhuah a niin Govt Agencies-ah hna 29 niin a vaiin Rs Nuai 213.73 (30.53%) pek an ni a, Link Road laih nan hna 18 siamin avaiin Rs Nuai 146.7(20.96%) a ni a, Community Base Organisation-ah hna 22 siamin a vaiin Rs Nuai 110.8(15.83%) a ni a, Work pangngaiah hna 42 siamin a vaiin Rs Nuai 225.57(32.22%) pek chhuah a ni a ti. HPC hnuaia hna sem sawmah hian Lunglei North huamchhungah hnathawh tamber in 39, Lunglei East-ah 20, Lunglei South-ah 16, Lunglei West-ah 22, Thorang-ah 14 leh West Tuipuiah1 thawh a ni.Hnathawk tam ber Pu C. Lalhmingliana, Chanmari(ZPM Southern Hqtrs) chuan hna 6 thawkin avaiin Rs 50.9 lakh a thawk a, F. Lalhmingmawia Zohnuai pawh hming lang tam pawl niin a ni hian hna 5 thawkin avaiin Rs Nuai 17.8 vel niin RTI chhan naah tarlan a ni.
MNF Sub.Hqtrs hotu te chuan tupawhin hna thawk se, a tak takin an thawk em, an hna a tha em tih chu an sawi tur ni lovin mipui in ngaihdan siam se an duh tih an sawi a, annni pawhin heng hnathawhna thlalak leh hna hming leh a hmun tarlan thenkhat chu an nei tih an sawi.
Hetihrual hian tu emaw hming a hna chhuak hi hming neitu tak takin a thawk ngei em tih erawh chu an hriatphak bak a ni tih an sawi a, HPC hi Dist dang in an neih ve loh, kan Dist tan chuan hlu tak a ni a, tihbo emaw mai mai chi a ni lova, HPC atanga hmasawnna hnathawh nan a Rs Nuai 700 zet sen a ni hi tha taka hman anih chuan hnemhnam pui tlak tak a ni a, HPC tihbo lam hi sawi chi pawh a ni lo an ti.POWERED BY ZUNZAM DAILY NEWSPAPER
