Editor Aizawl 19.8.25: WORLD PHOTOGRAPHY DAY vawi 186-na puala ah Mizoram School of Photography leh Photography Club of Mizoram tangkawpin an buatsaih Photo Art Exhibition & Competition vawi 9-na chu vawiin khan Archives Hall, Babutlang chu Pi Baryl Vanneihsangi, MLA in a hawng.
Pi Baryl Vanneihsangi chuan thlalak hmangin hun pawimawh leh nî chhinchhiahtlak te lak a ni thin a, , Mizo culture leh history te vawnthat saktu an ni a, kan hriatrengna a hunlai ang mai a min ngaihtuah let tir thei tu an nih avangin thlala thiam te an hlu hle a ti. Hun inher zelah Photojournalist tha tak neih a hun tawh hle a, a thiam leh tui mite pawh Photojournalist puitling ni tura inchherhriam turin a sawm .
He Photo Exhibition hian ni 5 chhung a awh ang a, August ni 23, Inrinni ah khar a ni ang.
Photo Exhibition & Competition hi aduh apiang tana tel theih a ni a, Thupui thlan bik a awmlo a, thlalak 108 a lut a, mi 49 telin,Result puan nghal a ni. MSP Gold Award, Mama Ralte – RepublicVengthlang–
Rs.10000+Trophy+Certificate.
MSP Silver Award, Lalbiakzama – Dam Veng – Rs. 7000+Trophy+Certificate.
MSP Bronze Award, Lalawmpuia – Model Veng – Rs. 5000+Trophy+Certificate
Honourable Mention Award mi 5 hnenah Rs. 1000+Trophy+Certificate pek an ni bawk.
