Editor Indian Army te hi khawvelah sipai chhuanawm, chak, thunun nuam leh huaisen ti a hriat an nni ta. Sipai huaisen zingah chuan Gorkha Regiment te hian hmun pawimawh tak an luah a, India chauh ni lovin khawvelah hmelhriat an ni. Indian Army, a hmun pawimawh tak an luah mek lai hian Nepalchuan an thalai te chu Agnipath schemelamah a luh tir a uar a, hei vang hian India chuan Nepal chu Sipai lamah rawn lut uar tur a sawmin hma a la mek.
Gorkha sipai te hi an huaisen a, Indo naah thih an h lau lova, at huai ni lovin an huaisen vang a ni. 11 Gorkha Rifles te hian Indian Army-ah dinhmun sang tak an luah a, Field Marshal Sam Manekshaw a hnu a Sam Bahadurti. a hriat hi n gaihsan reng a ni.
Gorkha Regiment te hi kum1815 khan British East India Company chuan an din a, hei hi Nepali sipai te an that vang a din a ni. Kum 1947-a India in Independence a hmuh khan heng ho hi Indian Army chhuanawm tak an ni chho zel a ni. Khawvel Indopui 1 -na ah khan Gurkha Army 100,000 zet chu Europe leh Middle East velah an duty a, an zingah sipai za chuang zet in huaisen lawmman(gallantry medals) an dawng a, Victoria Crosses dawng te pawh an awm nual. World War II-ah pawh khan Gurkha sipai 110,000 chuan Africa atanga Southeast Asia thleng in tha an thawh a,khawvel a sipai chhuanawm ber pawlah an in hlangkai ta a ni.
Khukri hi Gurkha soldier te chuan an keng zel a, hei hi huaisen entirna a ni a, an hnam danah chuan thinrim vanga khukri hi a pai atanga phawi chhuah anih tawh chuan thisen kai lovin a paiah khung tur a ni lo an ti hmiah a ni. In pawmchilh naah pawh hmelma engemawzat nunna lak nan an lo hmang tawh a ni.
Indo-China War 1962, Indo-Pak War 1971 leh Kargil war 1999-ah te khan Gorkha sipai te hian Indona mualah tangkai takin tha an thawh a, Indona a an auhla chu “ Kan pathiannu Mahakali, Gorkhas kan lo kal “ tih a ni.India sipai ah chauh ni lovin Gurkha Army te hi British leh Nepal sipaiah te an tam hle.
POWERED BY ZUNZAM DAILY NEWSPAPER
