Editor US President Donald Trump chuan Russian President Vladimir Putin leh Ukrainian President Volodymyr Zelensky te inbiakna tur in hmalakna chaktakin a kalpui mek tih a sawi a, hei hi ram 3 US, Russia leh Ukraine te inbiakna in a zui ang a ti.
Trump hian European leaders te nen White House-a an in kawm tum khan Putin hi phone in a bia tih social media -ah a tarlang a, an in biak naah hian Russian leh Ukrainian presidents te chu hmaichhanah ngei inbe tur a ruahmanna siam anih thu leh a hun tak erawh an la ruat lo tih a sawi. European Leadeder te nen an in kawmna chungchang a post-ah chuan “President Putin hi ka call a, in biak hun tur kan ruahman a, President Putin leh President Zelensky te hian a hmun tur chu an ruahman ang” tiin a ziak. Trilateral Talk-ah hian kei pawh ka tel ang a ti a,nimin thawhtanni a an in biakna chuan hmalam hun atana Ukraine himna tur an tiam(assurance) tih a sawi. He thil a puitlin theih nan European ram leh Washington thawhdunna a pawimawh hle ang a ti. Hetihrual hian Trump hian Kiev himna venhim nan kan in ring reng dawn a ni a ti tel zauh.
Trump hian Russia leh Ukrain inremna tur hi mitinin an lawm a, thu tisa a a chan hun tur hi kan hma lawkah a awm ani tih a sawi. White Haouse a inbiakna a European leader ten kan tih te hi UK PM Keir Starmer, Italian PM Giorgia Meloni, NATO Secretary-General Mark Rutte, European Commission President Ursula von der Leyen te an ni.
