Ui thah tumna thupek an dodal

Judge 3 awmna Supreme Court chuan vawiin hian Delhi-NCR-ah neitu awmlo, ui cho(stray dogs) te tihremna tur thupek a chhuah dawn.Hemi hmalam hian Bench 2 awmna Justice J.B. Pardiwala kaihhruai chuan Delhi municipal bodies Noida, Gurgaon leh Ghaziabad ah te heng Ui cho hi man a, khawiah emaw khungkhawm turin a hrilh a, heng Ui hian Ui a hri an put darh bakah naupang leh hmeichhia bakah kum lam a upa zawk te nun an ti derthawng a ni a ti.
He thu hi hmun hrang hrang a nungcha hmangaihtu pawl an tih mai Animal rights advocates te chuan nasa takin an dodal a, social media ah te an dodalna an lantir a ni.
Animal rights activists te hian nimin khan Jantar Mantar-ah “Black Thursday” hming phuahin Supreme Court’in khawlai a Ui vulhtu neilo tihremna tur a kaihhruaina a siam duhloh na an lantir a ni. Kawrdum an ha a, thuziak an keng a, “Tih chereu ai chuan chi thlah thei lo tur a siam zawk mai tur, Ahimsa for all, big or small,” “Zahngaihna hi kan chakna a ni, street dogs nen kan chengza thei” te an ti a ni.