Editor India in Russia Oil lei a tum chuan US mit a timim hle a, White House Trade Adviser Peter Navarro chuan New Delhi “mahni in silfai tum” tiin a puh. Navarro chuan Russia-Ukraine buaina chungchangah pawh India chu a nihna diktak phochhuak ngam lovah a puh a, New Delhi in Russia Oil lei a tum vang hian remna(peace) a awm phah dawn reng reng lo, Indo-na a ti punlun zawk ang a ti. “India hi ka hmngaih a, Modi pawh hruaitu ropui tak a ni, amaherawhchu India hian global economy hi thlir se ka duh, Indo na cho chhuaktu a ni thei tih in hre rawhse” a ti.
India hian Russian oil a mamawh miah lo tih sawiin , February 2022-a Moscow in Ukrain a run hma khan , India hian tun a 35-40% vel Russia Oil a lei aiin 1% aiin a la lut tlem daih a ni a ti. Anihna takah chuan India hian Russian Oil hi a mamawh hlawl lova, tuna 30-35% vel mamawh anga a in sawi hi awmze neilo tiin a puh a, Russian Oil a lei vang hian Moscow defence system chu thang(growth) rawhse tihna a ni a la ti zui.
US in India tana tarriff a siamsak hi a tirah chuan 25% a ni a, mahse India in Russian Oil leisak a tum leh avang in 25% belh lehin a vaiin 50% a ni dawn ta a, India tan chuan sang telh telh tak a ni.
POWERED BY ZUNZAM DAILY NEWSPAPER
