BSF -ah Mizo 300 lak a ni dawn

Ministry of Home Affairs atanga phalna hmuh angin, Border Security Force (BSF) hnuaia Constable (General Duty) post 300 hnawh khat turin Mizorama Scheduled Tribe (ST) thalaite tan September 2025 atangin sipai lak runpui (special recruitment rally) buatsaih a ni dawn a. He recruitment rally kal tlang hian Mizoram pumah BSF sipai constable (GD) atan mipa 255 leh hmeichhia 45, an vaiin thalai 300 lak an ni  dawn. Mizoramah Recruitment Centre 3 a awm:

(1) Lena Stadium, Lunglei (Lunglei, Hnahthial, Lawngtlai leh Siaha District-a mite tan)
(2) Rajiv Gandhi Stadium, Aizawl (Aizawl, Mamit, Kolasib leh Saitual District-a mite tan)
(3) Serchhip Stadium, Serchhip (Serchhip, Champhai leh Khawzawl District-a mite tan)
Hriat tur pawimawhte:

1. Diltu chu Scheduled Tribe mi leh sa, Mizoram mi ngei, kum 18-28 inkar (ni 02.08.1997 leh ni 01.08.2007 inkara piang) an ni tur a ni.
2. Zirnaah pawl 10 pass chin an ni tur a ni.
3. San zawngah mipa 157cm (5.15ft), hmeichhia 147.5cm (4.84ft) tal an ni tur a ni.
4. Tlanah mipa tan minute 24 chhungin km 5 tlan thlen a ngai a; hmeichhe tan minute 8.30 chhungin km 1.6 tlan thlen a ngai
5. NCC ‘C’ Certificate nei tan 5%, ‘B’ Certificate nei tan 3% leh ‘A’ Certificate nei tan 2% mark belh a ni ang.
6. Dilna Form (Annexure-I) leh Admit Card lak chhuahna tur Form (Annexure-II) kimchang taka dah khah sa leh passport size thlalak bel thlap bakah, education certificate (DOB lanna), ST Certificate leh Aadhaar/Voter ID/Ration Card xerox copy mahnia attest (self attest) chu Recruitment Centre-ah theh luh tur a ni a. Hei bakah hian certificate hrang hrang original ken tel tur a ni.
7. Candidate-te mahni ngei kalin Recruitment Centre-ah hian document pawimawh tar lan takte nen September ni 2 -September ni 18, 2025 chhungin (sawrkar chawlh ni leh Pathianni tiam lovin) inlan tur a ni.
   Hun bi pawimawhte:
   (1) Dilna theh luh, document endik leh admit card lak chhuah hun: Ni 02.09.2025 atanga ni 18.09.2025 thleng (Govt Holiday leh Sunday tiam lovin)
   (2) Physical Standard Test (san zawng endik, etc.) leh Physical Efficiency Test (Tlan) hun: Ni 23.09.2025 atanga ni 09.10.2025 thleng (Govt Holiday leh Sunday tiam lovin)
   (3) Written Exam: October ni 18, 2025 (Written exam-ah hian pawl 10 standard-in MCQ zawhna 100, mark 100 pu a chhuak ang a, darkar 2 chhunga chhan tur a ni.
   Hriat belh duh nei tan internet kal tlangin, www.bsf.gov.in -ah emaw, https://rectt.bsf.gov.in -ah emaw en theih a ni.