Bulgaria-ah Armwrestling ti turin Reuben-a

Tun thla ni 10 atanga Bulgaria-a World Arm Wrestling Chhampionship khel turah India aiawhin Lunglei College Veng tlangval Reuben Lalhmangaizuala a tel dawn. Kar kal ta khan Kolkottaa-ah visa buaipuiin interview a hmachhawn a, Zirtawpni khan Lunglei a lo thleng leh tawh a, visa an nghak a, lo thleng thuai turah an ngai. Lunglei atangin tun thla ni 8-ah Aizawl a pan ang a, Aizawlah ni hnih a cham ang. Tun thla ni 10-ah Delhi panin a thlawk thla anga, hemi ni vek hian Bulgaria a pan ang. Istanbulah darkar 8 vel an chawl ang a, hemi hnu hian Bulgaria an pan ding nghal dawn a ni. Reubena hi kut ding lam leh vei lamah a khel kawp dawn a ni.
Kolkottaa visa buaipuia a interview-naah Tuesday Nightmare-i te Hotel-ah a thleng a, ani hian ei leh in leh thlen man a lo free vek a, Lunglei District Arm Wrestling Association hruaitute an lawm hle. Ono Lalawmpuia Saikhamakawn a tel ve dawn a, ani hi kut vei lama khel tur a ni. Reubena hian khawvelah champion turin theihna a nei tih Lunglei District Arm Wrestling Association hruaitute chuan an hmu.