Zobawk kawngchhia mipui in an tuar nasa

Lunglei 21/10/25: NH O2, Hnahthial leh Lunglei inkar, Zobawk ‘S’ khaw chhung  kawngpui chu namen lovin a chhe leh tawh a,lirthei chi hrang hrang tan kal a harsa a, vawiin nileng in lirthei chi hrang hranbg thahnem tak a tangkhang.
Kan palaiin thu a dawn danin lirthei tana harsa khawp a kawng a chhiat hi thla 2 chuang a ni tawh a, contractor NHIDCL ten an kawng siam hi a tlo lo hle a, kawng that chhung a reilo hle tih an sawi. Englai pawhin motor lian a tang a,  Company JCB in a nawr chhuah a ngai a, Zobawk khaw chhungah motor lian an ding khup thin a ni a ti. Vawiin lamah pawh motor lian a tan avangin BHSS Bus pawhin Zobawk a thleng thei lova, sikul naupang engemawzah an chawlh phah a , KM 1 dawn chuang chhak leh thlang lamah lirthei an tangkhang a ni. Khualzin phur, Sumo leh LMV engemawzat pawh in kal harsa an ti tawh a ni. Zobawk a lirthei neitu tam ber pawhin Lunglei lam a an kal dawnin an lirthei an keng phal tawh lo a ni. Mamawhna avangin Lunglei kal a tul fo si a, Taxi leh Auto fare ah Rs 800/1000 dawn te a ni thin a, senso a hautak hle a ni an ti. Hetiang anih avang hian sorkar prog.leh pawimawh dangah Phone hmang a hnathawh theih anih chuan mihring in ko kal kher lova thil tih dan awm se an duh tih an sawi.
Zobawk hi Lunglei Municipal huam chhung a awm a ni a, LMC leh bialtu MLA te pawh hian an ngaih pawimawh a, Company/ contractor lam an nawr nat a ngai tawh a ni tih chu Zobawk mipui tamber au hla a ni tawh tih kan palai an hrilh.