H/S Sports meet hlim taka thlahliam a ni dawn ta

Lunglei 16/10/2025: Lunglei District Secondary School sport meet chu naktuk Zirtawpni chawhnu dar 3:00 hian Thuamluaia Mualah ropui taka khar a ni dawn ta. Pu V. Malsawmtluanga, Vice Chairman HPC khuallian a ni ang a, he hun hi Pu Micky Lalenkawla DEO chuan a kaihruai ang.
Hemi hnu hian zei leh thiam takin Pi Jenny Laltanpuii Teacher Govt Electric veng H/S leh Pu Vanlalthiana, Vice Principal BHSS ten an kaihruai chhunzawm ang a, lawmman te sem a ni ang a, zai leh lamin hlim takin Sports hi an khar dawn a ni. Govt Lunglei H/S Pipe Band ten hun an han hmang te te ang a, Govt Zotlang H/S naupang lamthiam lutuk te an lam zui ang a, abak chu School hrang hrang atanga zaithiam ten zaiin hun an hmang tawh dawn a ni. BHSS, Govt Zobawk H/S leh Govt H/S Lunglei zirlai ten LIVE Band in chhepchher an rawn tum bawk dawn a, Mual chhungah an lam hut hut tawh mai dawn a, ruihhlo tel lovin a hlim theih tih atakin DEO leh Teacher te kaihhruain Lunglei Dist H/S naupang ten chawhnu tlang herah Thuamluaia mualah an lantir dawn anih chu.