MNF ten Total bandh an buatsaih dawn ta

Lunglei 27/10/25: MNF Sub.Hqtrs.Lunglei Elected OB te chuan vawiin chawhnu khan an Office-ah thuthar lakhawmtu te kawmin Mizoram Sorkar in Forest Conservation Amendment Act a pawm duhlohna leh sut tur a ngenna atana 29th Oct 2025(Nilaini)- a Mizoram pum a Total bandh an huaihawt tur chungchang an sawi pui.
Pu Vanlalhmuaka chuan MNF Gen.Hqtrs High Command in a rel tawh angin Total bandh hi kalpui tum a ni tih sawiin kan ram tana thil thalo tak mai leh nakin zel a thangthar te khawvel ti buai thei tur leh thangthar lo te pawh kan khawsak mekna min ti buai thei tu anih avangin Press mite leh mitin te thlawpna kan dil a ni a ti.
Pu Chawngthanmawia Vice President pawhin he total bandh lo awm turah hian duty post Pukpui, Serkawn, Zohnuai peng, Kikawn, RTP Cinema Hall peng, Mandir bulah te, Parallel Raod peng, Tlabung peng, Venglai leh Bazar inrina, Traffic Point, Convention centre, Sobji bazar leh Electric veng, Sazaikawn, Circuit House peng, CMO Office hlui bul, Faith Hospital kawt leh Falkawn, AOC , III Gate leh Hrangchalkawn te chu duty na tur bulpui a ni ang a, Zobawk leh Hauruang khawchhungah Unit hruaitu te kutah dah a ni a ti. Hmun 18 velah duty point an nei dawn tih sawiin zing dar 6:00-4:00 Pm thlengin kalpui a ni ang a ti. An Hqtrs thu ang zel a kalpui tur an ni tih sawiin Unit, Block ete hriattirna pek vek tawh an ni tih sawiin Gen Hqtrs thuchhuah zulzuiin he Total bandh in a huam tur leh tur loh tur te a in ang tlang vek a ni a ti. Heibakah hian Lunglei khawpui chhungah BCM in Committee lian a neih tur te permit pek an ni ang a , Innei tur te leh mamawh tulpui te tihfel thawkhat a ni a ti. He total bandh ah hian chhiat/that ang chi ah chuan zau takin inhriatthiamna an nei tih a sawi.
Pu Vanlalhmuaka, President chuan he thil hi Party pakhat thil tih ni mahse, ram tan, Mizo hnam tan a ti an ni tih sawiin kan zavai atan a ni a ti. Tun a kan CM pawh hi a nihna takah chuan eptu MLA anih laiin he thil do dal nasa ber tu a niin tun tumah pawh hian tel ve nghe nghe se a ti a, mahse a thutna a lo danglam tak avanga tanhmun a thlak leh ta hi a mak hle a ni a ti. Pol.Party leh NGO zawng zawng te anmahni thlawp tur a an sawm thu sawiin LDCC atangin thlawpna pawh an dawng tih a sawi.
Total bandh neih ni hian LMC area a kawngchhe siamtu te erawh an ngaihven lutuk lo tih a sawi a, mahni in a hna lo thawk te pawh an khap lutuk hran dawn lo tih a sawi rualin ramkal tum te pawhin he Total bandh hi zawm ve hram turin an ngen.