Editor 
Lunglei 27/10/25: Rev Dr F. Sangvela chuan Pathian ram a lo thlen chauhin rorelna fel kan nei thei ang tih sawiin Pathian ram thlen tir tur chuan Pathian hnenah kan in pe(surrender) tur a ni tih sawiin nun inthlakthleng na tak tak a awm a ngai a, mahni nun surrender a nih loh chuan nun danglam a thleng thei dawn lo a ti.
He thu hi Evangelical Cell LDCC buatsaiha Congress Bhawan Lungleia “One Day Crusade” Pu Eric R. Zomuanpuia kaihruaiah sawiin Rev Dr F. Sangvela chuan Pathian ram hi kan nunah a thleng hmasa ber tur a ni a, Pathian ram a lo thlen chauhin rorelna fel kan nei thei ang a ti. Pathian ram thlen tir tur chuan Pathian hnenah kan in pe(surrender) tur a ni tih sawiin nun inthlakthleng na tak tak a awm a ngai a, mahni nun surrender a nih loh chuan nun danglam a thleng thei dawn lo a ni a ti. Congress party in hetiang zawng a ngaihtuahna an nei chu lawmawm a tih thusawiin hmelma hmangaih thei nih te hi Lal Isua ah chuan a theih tlat a ni a ti. Pathian prog chu he khawvel a a lal ram din a ni a, Pathian thil tum leh kan thil tum a in an hun hunah thil ropui tak kan ti thei chauh dawn tih sawiin Pathian lal ram chu mihringah din tur a ni a, Politics ah leh kan nun, ram rorel naah Pathian ram thleng rawhse tiin uar takin a sawi. CM te hian an lalthutthleng Isua kian ta se, sum an khawihna hmunah te Isua tel ta se. Kan nitin nun,minal nun, ram rorel naah Isua hian hmun sang ber chang rawhse.Pathian duh zawng in ram ro a rel theih a, a duh zawngin a hausak theih tih hria ang u a ti.
Hun 2 na Up K. Vanlalrawna,Vice Chairman Evangelical Cell chuan kaihruai ve thungin Rev Dr.F.Sangvela chuan “Ram chu Lalpa ta a ni” tih thupui hmang a thusawiin Dan ang a kan kal hian a him ber a, malsawm dawnna a ni a, ram rorelru te pawhin Dan anga rorel tur an ni tih an hriat a ngai a ni a ti. Deoteronomy 15,16,17 behchhanin kan ram awp tur hian hnam dang a ruat lova, ‘sakawr a ngah tur a ni lo…tangka leh rangkachak an buaipui tur a ni lo.. a tih angin material hi ram rorel tu ten an ngah tur a ni lo a ti .Hausak kan zawnna chiah hi kan ram rorelna tlukchhiatna a ni tih sawiin diklo a hausak hi Pathian duhloh zawng a ni tih a sawi. Roreltu ten Bible hi innghah nan, The Bible Says tih hi chhiar thin se tih thurawn pe in midang hnuaichhiah (oppress) te hi Pathianin a phal lo a ni a ti. Party in awpna dan te pawh Pathian thu nen a in mil em tih a pawimawh tih sawiin Amosa 5:24 Rorelna dik chu lui angin luang sela, ..tih chu vawng reng turin a chah. “ Israel te tlakchhiatna sawiin sum pai hmangaihna hi ram tlukchhiatna a ni tih Bible in a sawi a, Sex leh Wine te pawh min ti chhe tu a ni a ti. Mahse, Dan tha tak tak mausamin, kan hlawkna turah Dan lo angin kan kal leh a, hei hian ram rorel naah hman atanga vawiin thlengin hmun a luah a ni a ti. Kan ram hmelma chu keimahni ngei a ni tiin zahthlak a tih thu a sawi. Tih diklohna sorkar ah Lalpa mit a fu tih hre reng ang u a ti.
