Sazu in Vaisam khua loneitu te an run

Lunglei 28/10/2025: Thingtam avang a Sazu puang chuan Lunglei Dist ah pawh khaw hrang hrangah buh a ei chhe mek a, Agriculture Depp Lunglei chuan Sazu tur te pe chhuakin hrai turin loneitu te an hrilh thin a, mahse khaw engemawzatah chuan an hrai hma in Sazu hian zan khat thil thuah an buh a lo ei zo hman leh vek zel tih an sawi. Agriculture Deptt hian Sazu tur hi Kg 10 bakah Cake pack 20 vel an pe chhuak tawh a, an Office-ah pawh lam theih a nih thu khawtlang hriatuite kal tlang leh AIR Lunglei kaltlang ten an puangzar thin a ni.Pu VL. H mamngaihchhunga DAO Lunglei chuan Lunglei Dist chhungah 27th October thleng khan chhungkua 147 chuan Sazu in buh a seh hi an tuar tawh tih sawiin Lunglei Block bikah Vanhneah chhungkaw 11, Bunghmun Block-ah chhungkaw 54, Lungsen Block-ah chhungkaw 82 ten an tuar tawh a ni a ti.Sazu veng tur hian Agriculture deptt lam chuan tur an sem bak tih theih vak an nei lo tih an sawi a, hetihrual hian Sazu seh tuar te in report tur a hriattirna an siam angin vaisam khua pawh hi an in report tawh.
Vaisam VC Secretary Pu Mapuia chuan October ni 16-ah khan Tin 3 hmun vel a a Tai leh kawnglawng an chin lai chu sazu hian an ei zawh sak vek tih sawiin In 60 vel awm naah chhungkaw 4/5 vel buh chu tunah hian a la him ni a khawtlang in an hriatthu a sawi a, chhungkaw tam zawk chuan seng tur a bar an nei dawn ta lo a ni a ti. Vaisam kahwnu Pi Thlengi pawhin an buh chu Sazu hian a eizawh saka vek tawh tih a sawi a,a sur a sa hnuaia an lo thawh vena a thamral ta mai chu a lungchhiat thllak hle a ni a ti.
Hetihrual vek hian Vanhne khuaa Mualzen ramchuan Vaki a chhuak a, Vaki rual hian an buh an chilh bung nasa hle a, an mangang hle tih an sawi.