State University awmlo turin zirlaite rilru a ti hnual

Lunglei 28/10/2025: National Education Policy(NEP) in inkaihhruaina a siam ang in Lungleiah pawh College zirlai ten S orkar Department hrang hrangah Internship an ti chho mek a, zirlai te an zirlai bakah practical in an buai hle.
UG zirlai te hian Study Tour an Course -ah a tel bawk a, hemi atan hian sum tuakin kum engemawzat kalta atang khan an thiam dan dan in tha leh zung an lo seng tawh thin a ni. Vawiin khan Pol. Science Vth Semester zirlai te pawh Lunglei District Congress Committee(LDCC) Office-ah an leng lut a, LDCC President Pu R. Lalnunthara reilote an kawm. Zirlai te hian State University Lungleiah din ngeise tih chu an duhdan leh College-ah te pawh an sawi fo thin tih an sawi a, mahse thuneitu ten Lungleiah dah an tumlo ni awm a lang chuan a ti beidawng takzet tih an sawi. MZU-a MA zawm saw chhungkaw tamtak tan sum leh pai senso tam lutuk vangin thil theih loh anih fo tawh avangin tuna UG Final Year zirlai te pawh an beidawng lawk ru hle a ni an ti.Lunglei a UG zirlai tam zawk chu Graduate a tawp mai tur an nih thu sawiin zir ve zel chak mah ila, BA/BSc bak kan zir thei dawn lova, kan tan chuan engtiahmah MA zirna chance kan nei dawn lo a ni an ti.