Vawksa Kg 1 Rs 450 ni turin thu tih tluk a ni

Lunglei 19/11/2025: Vawiin chawhnu dar 2:00 khan DC Confe. Hall Lungleiah Pi Zoramdini, Addl DC kaihhruaiin Vawksa rate chungchang ngaihtuahin a man bithliah a ni a, Agri, AH&Vety, C&I Deptt, Fishery, Horti., Police, Local Council , Legal Metrology, Lunglei Dist Consumer Assn leh MJA aiawh te an tel.
Meeting-ah hian Vawk vulhtu leh a sattu te inkara thil awm thei te an sawi ho a, a leitu(Consumer) te chanvo bakah Dist hrang hranga Vawksa rate chungchang te ngaihthlak a ni. Meeting chuan Vawksa chu a misa emaw, a ti tha lai bik emaw thliar lovin Kg 1 Rs 450 ni se an ti. Kg khatah hian a misa leh a kawchhung te pawh a telh theih tho avangin leh a hranpa a sa tha chauh thliar lovin Rs 450 a hrutrual mai nise an ti.
Buk tling ngei a hralh chu Meeting duhdan a ni a, lo enzui turin C&I Deptt, Legal Metrology, Police leh Local Council te ruat bik an ni. Sorkar in dan a neih angin Rate bithliah ang a sa zuar lo leh buk tling lo te chungah hremna pek theih a ni a, Sorkar Building a in zuar te chu an seat cancel sak theih a ni a, Rs 1000 chawi tir theih an ni bawk.