NYK buatsaih Unity March Lungleiah

Lunglei 21/11/25: NYK Lunglei leh DC Office Lunglei tangkawp buatsain Sardar Vilabhai Patel pianchampha kum 150-na tukin zing dar 9:00 khan Lungleiah Padyatra/Unity March buatsaih a ni a, School naupang: NSC, Scout & Guides leh 20 Bn Assam Rifle ten kawng an zawh.
A hawnna inkhawm tawi hi Govt H/S tualzawlah Pi Zoramdini Addl DC kaihhruaiin hun hman a ni a, Addl DC hian Sardhar Villabhai Patel chu India Dy PM lo ni tawh a niin ama zarah India ram chu ram bung hrang hrang, lal hrang hrangi inthendarh te chu India ram bung khatah chhun khawm an ni a, tuna India ram kan tih a lo pian theihna tura mi pawimawh ber te zinga mi a nih avangin a piancham vawi 150na pualin inpumkhatna leh Ruihhlo do na Nasha Mukti chu kan hmang ta a ni, a ti. Indian Civil Service kan neih phahna te a ni tiin chhunawm a tih thu a sawi.
Khuallian Pu Lalzuithanga Chairman LMC pawhin Sardhar Villabhai Patel chu India ram inpumkhat nan a nasa taka thawktu leh tuna ram ropui tak kan nih theih nan a hmala tu a ni a, a hmalakna kan hre reng a, a thil tum leh hmalakna te thangthar te thinlungah a cham reng ang a, kan ramah inpumkhatna leh hma a sawn zel theih nan theihtawp chhuah theuh ang u a ti.
He hunah hian National Anthem ngaithla in zah takin kalkhawm te an zing a, he mi hnu hian India inpumkhat nan leh Ruihhlo do leh ti ve lo turin thutiam a ni a, YMA Sub.Hqtrs Lunglei ten hnamlam an entir bawk a ni. A hawnna hunah hian LMC Chairman Pu Lalzuithanga leh 20 Bn Assam Rifle Comdt Col. Jaswander Singh te hnenah lawmpuina thilpek hlan a ni . Hemi hnu hian Lunglei Traffic O/C Pu Thabuanga kaihhruaiin Govt H/S kawt atanga Old Tennis kawt thleng kawngzawh a ni a, Old Tennis Court-ah Pu Lalramsanga Colney (Sports & Youth Services Deptt) kaih hruaiin tawpna hun hman a ni a. Lunglei Sub-Hqtrs YMA Cultural Troupe te’n hnam lam entirin, Unity March-a telte hnenah certificate hlan a ni a. Sub-Hqtrs YMA President Pu K. Lalfakzuala’n lawm thu sawiin a khar a, a khar naah hian kawng hrang hranga inelna a ti tha te lawm man sem a ni.