Editor Lunglei 14/8/2025: State Tax Lunglei Zone chuan Budget Estimate(BE) Rs 30,38,24,000 neiin neiin July thla chhung khan Rs 89,69,432/-an hmu. Hetihlai hian thla hmasa leh tunthla a arreear an hmuh te leh a pangngai a an hmuh zawng zawng hi belhkhawm in Rs 7,59,39,608/-a ni a, BE an tuk zat an la phak lohna hi Minus(-) a la ni a, Rs 22,78,84,392/- a ni.
State GST-ah July thla khan Rs 29,85,452 an hmu a, Profession Tax-ah Rs 54,21,762, State Sales Tax(VAT)-ah Rs 5,52,218, Entertainment Tax-ah Rs 10,000, Petrol leh Disel hralhna atanga Cess lak tur Road Maintenance leh Social Infrustructure-ah hmuh a la awm lova, amaherawhchu June-ah khan Road Maintenance atan Rs 4823,116 leh Social Infrustructure & Services-ah Rs 4823,116/- tho hmu in a zavaia hmuh zat chu Rs 96,46,232/- a ni. Road Maintenance leh Social Infrustructure services a BE an siam Rs 70,58,000 ah Rs 96,66,232/- hmu tawhin BE an khumna hi Plus(+) a ni tawh a, Rs 26,08,232 a ni hem tawh.
GST-ah hian BE Rs 23,90,45,000 siamin tun July thleng a an hmuh tawh chu Rs 2,95,75,761/- niin hmuh tur hmabak Rs 209,469,239/- a ni. a, Minus(-) a la ni rih. An la phak rihlohna hi Minus(-) ti a dah a ni a, chhe lutuk tihna erawh a ni hran lo. GST hi che thut thut(dynamic) tak anih vangin Contractor tu emaw in Tax (Cess) a pe hlauh anih chuan nikhat thil thuah pawh GST hi sang thut thei a ni.
Entertainment-ah hian Rs 10000 BE neiin June leh July-ah Rs 10000 ve ve hmu in Rs 20000 an hmu. Entertainment-ah hian tanlak a ngai tih sawiin Ticket nei a ennawm chhuah emaw a nih chuan Tax pek ngei tur anih thu leh Thuamluaia Muala Football khelh a Ticket system a nih chuan Tax lak theih a ni a, Futsal Ground neitu te hnen atang pawh in dan in a phut angin Tax lak an tum tawh tih an sawi.
Commissioner of State Tax Aizawl dinhmun head thenkhat tarlang ila:
BE Rs 1370,50,00,000 siamin Rs 494,96,56,882.90 an hmu tawh.
State Goods & Service Tax: BE Rs 1150,00,00,000-ah Rs 330,18,00,723 an hmu tawh.
Road Maintenance, Social Infrastructure and Services Cess-ah BE 50,00,00,000-ah Rs 45,12,22,106 an hmu tawh.
POWERED BY ZUNZAM DAILY NEWSPAPER
