Kawngchhe nghawng Lungleiah

Lunglei 14/8/2025: Mizoram chakkhai lakluhna kawngchhia avangin Lungleiah pawh dawr bungrua, chakkhai leh Insakna bungrua hrang hrang te a la vang chho zel. Lunglei a dawr lian ber te zing ami, MIZOFED dawr, venglai Lungleiah chuan Buhfai bag Arham tih loh chu neih vak a lawi an nei tawh lo. MIZOFED dawr hian tun dinhmunah Tel tlem an nei a, an neih chhun chu a theih anga semrualin Case khat te te ten an hralh.Dal Bag pakhatmah an nei tawh lova, reasdymade dal an tih, Masoor Dal tlem an nei a, chini an nei lova, chi leh thil dang neuh neuh chu Dawrkai tereuh te in an neih ang vel chuah an nei rih.Bawnghnute atanga siam, Amul Gold leh thil dang pakhatmah an nei lova, “Neih aiin neih loh kan ngah rih zawk” tiin an sawi.
Lungeliah hian Insakna bungrua, abikin cement lei tur a awm lova, Insa lai engemawzat an chawl.Hetihlai hian tuialhthei erawh coupon chauh a hralh chang a awm laiin free sale pawh a awm ve leh zauh zauh a, Tuialhthei lamah hian harsatna lutuk a awm rih lo. Bualte dai a leimin a changin a tlang a, a changin a min leh a, chutiang dinhmun mek chu niin kawngchhia a tang zingah Burma rama Oil hralh tur Plastic Barrel pawl phur te pawh an tang ve nual tho a ni.