Editor Delhi Chief Minister Rekha Gupta chu a chenna inah tukin zing khan mipui hma a a in lan lai ‘Jan Sunwai’ in mi pakhat chuan tihnat tum in a lo bei a, Police te chuan thil awm dan chhui zui mekin Bharatiya Janata Party (BJP) te pawhin he thil thleng hi an dem takzet tih an sawi.
Police te chuan Gujarat lam mi Rajesh kum 41 mi chu manin an dawp mek.Mit a hmutu ten an sawi danin Rajest hian CM Ms. Gupta nen an in biak laiin a beng thut a, a samah a kek(pawt) an ti. He pa hian midang ang bawk in CM hi hmu in lehkha a thuziak a pe a, hemi rual hian mawi lo tak tawngkam(profanities) cheh in a au chiam nghal a ni.
CM hi medical check up tih nghal a ni a, a thupuangtu ten an sawi dan chuan ‘hliam a tuar lova, amah hi mi chak(strong) tak a ni a, chuvangin hun a hman tur(public programme) pawh a sawn lova, a pangngaiin a kal pui ’ an ti.
POWERED BY ZUNZAM DAILY NEWSPAPER
