“Lungleiah State University din a theih”R.Saptawna MNF SHL Adviser

Pu R.Saptawna (Adviser MNF Sub Hqrs Lunglei) chuan  Mizoram State University  hi Lunglei a dah tur hian theih lohna chhan pakhat mah a awm lo. College heti zat hi Chhim lamah a awm a, a hmun tur thu-ah lah MNF sawrkar laiin tihfel vek a ni tawh a ti.
He thu hi vawiina MNF chhung inkhawmah sawiin  R. Saptawna chuan  ZPM sorkarin Lunglei a Mizoram State University an dah duh loh chhan bulpui ber chu Lunglei District leh Chhimlam an hmuhhniam leh an hmuhsit vang mai a ni. Lunglei District an hmuhsit chhan chiang tak chu, tunhnaia Ministry liamta pahnihah Lunglei District a Ruling MLA te, MLA hang an awm ngai loh laiin  tun Ministry ah chuan MLA hang pahnih an nei bik a!pakhat pawh MLA hang a nih leh ngei theih nan HPC pawh thiah tumin Cabinet Meeting tur Agenda ah hial an dah ngat a ni, a ti. Ram pum huap a party rorelna sang a tel thei tur Committee sangah hian party dangah chuan a sawm rual kan awm thin laiin ZPM ah chuan mi pakhat chiah State Council Member atan an Southern Hqrs Lunglei President chiah an dah a, hei hian ZPM in chhimlam min hmuhsit leh endawng zia a ti chiang hle a ni" a ti.  
Pu Saptawna chuan, "Forest Conservation Amendment Act 2023 hi  Forest humna dan nilo vin, forest thiah theihna dan a ni a, ZPM sorkarin he dan an pass na chhan lian ber zingah sum an mamawh a, huiluhna leh sorkar laipui tlawnna atan an duh vang a ni. Kan Airport neih chhun, Lengpui Airport IAF kut a an hlan theih nan a an ruahmamna a ni. An delay tactics ah sorkar hnathawk an puh leh zel te hi a pawi tak zet a ni", a ti .
Party chhung inkhawm hi Lalzarzova Punte General Secretary MNF Sub Hqrs chuan a kaihruai a ni.