“Peace Bonus sawi nep theih a ni lo” Zoramthanga

MNF ten zalenna sual laia India sipaiin an man, kum 5 chuang hreawm taka jail an tan tir, Pi B Vanlalzari, MNF Adviser chuan”Kutthlak nasa tak tuar mah ila, vai hian ka mittui an vaw chhuak zo lo, ka tan vangin vawi khat mah ka tap lo,” a ti.
He thu hi nimin a MNF ten chhung inkhawm Hnam Run a an neihah sawiin Pi Zari chuan MNF hi Mizo hnam tungding a, chhanchhuak tura Pu Laldenga te din a ni a. MNF hi Party dang anga mahni hamhaina leh ropuina zawng ve tur kan ni lo,” a ti. Zalenna sualtute khan a lemin an sual lo a, a lemin an tuar lo a, a lemin an thi hek lo. Khang lai khan Aizawlah hian kan nulate’n sari an kaih hman tawh a. Zalenna kha sual lo ta ila vawiinah hian kan hnam hi chimralin kan awm tawh hial mai thei a ni,” a ti.
MNF President Pu Zoramthanga pawhin MNF sorkar hunlaia Peace bonus leh MNF sulhnute sawinep tum an awm thin a. “MNF sulhnute kha sawinep theih a ni lo a ti.
MNF-in sipai ramluah chhuhsak a, MINECO kan din leh Lunglei World Bank road ringawt pawh hi a nep lohzia mipuiin an hria ” a ti.