Pu F. Lalngaihzuala Gen. Secy LDCC chuan Lunglei Dist leh he khawpui chhunga hmasawnna ruhrel tam tak, LWGSS Phase-I, Nghasihzaua Power pawhluh, Phullem phah, Science Centre, Education Complex leh Deptt hrang hrang Office te hi Congress hunlaia sak a ni a, awmlo ata hi awmah a chhuah thin a ti.
Tun Sorkar-ah chuan kan neih ve theih reng tur a ngaih leh Lunglei leh chhimlam mipui zawng zawng in, Mizoram State University hi Lungleiah awm ve ngeise tih an duh ngawih ngawih laiin ZPM Sorkar leh ZPM MLA te hian Lungleiah dah loh dan phet an ngaihtuah thung a, hei hian Lunglei mipui rilru a ti na a ni tiin Congress Sorkar lai chu nise i he lovin Lungleiah dah a ni ngei ngei ang a ti. HPC hnuaia hnathawhna hrang hrang te hian belhchian a dawl lova,GST awl duh vangin Rs Nuai 10 hnuai lamah hna an thensawm a, mi tlem te kutah pawisa lut in hei vang te hian Lungleiah pawisa a vang ta niin a ngaihtheih a ti.
An Campaign lai a ‘kan ti ve lovang’ an tih zawng zawng kha an ti leh vek tawh a, a thlang tlingtu mipui an beidawng chho mek a, ZPM worker leh a thlangtu tam tak tak harsa zawk te chuan Inthlan a Congress Vote an chak tawh thu hi khawlai titi(talk of the Town) a ni leh tan tawh tiin a sawi.
Editor 
