ZPM in State University dah nan Lunglei a tlak lo an ti niin Dr PCa’n a puh

Dr. K. Pachhunga Ex MLA  chuan,"Kawlchaw West-a YMA Sub-Hqrs Lunglei rorelnaah MZU Southern Campus hi agenda-ah telhin pass a ni a ti  a, kum 2008 khan  MZP Lunglei hmalakna in India  President  hnenah dilna an thehlut a, khatih laia Governor kha a copy pawh an va pe a ti.
 Chumi hnuah Lunglei YMA hmalaknain Co-ordination committee din a ni a, khatih laia MZU committee sang khan ngun takin a ngaihtuah a, study team dinin member paruk awmna an siam a, chumite chu Lungleiah vawi hnih an lo kal a,  a hmun tur pawh Pukpui VC ten ram min pek an remti a ni. Kha kha thui tak hmalak a ni a ti. 
Dr.K.Pachhunga chuan, "kum 2018 a MNF a sawrkar khan CM Pu Zoramthanga leh H&TE minister Dr. Thangtea hoin kan bei nasa a, a hmun tur pawh revenue deptt. -ah land lease tihfel hman a ni a.   India sorkarin higher education kalphung  thlakin, 'state tinin State university neih vek tur"  a ti a. “MNF sorkar khan comtt a siam hman a, ZPM sorkar a lo piang ta a ni. Tuna sorkar hian chhim lam hawi duh miah lovin, Aizawlah dah a tum nghal a, 'Lungleia dah ngei tura zirlai pawl te an ngen viau laiin,  Lunglei chu dahna tlak rih lohah min chhuah ta a ni  a ti.